பாண்டியன் பரிசு

பாவேந்தர் பாரதிதாசனின் புரட்சிகரமான படைப்புகளில் மணிமகுடமாய் ஜொலிக்கும் ‘பாண்டியன் பரிசு’ ஓர் அற்புதமான காவியம். குறைந்த சொற்களில் பெரும் கதையைச் சொல்லும் தன்மையுடன், கம்பீரமான எண் சீர் விருத்தங்களால் எழுதப்பட்ட இந்நூல், வீரமும் காதலும் இழையோடும் ஒரு சரித்திரப் புதினத்தை வாசகர் கண்முன் நிறுத்துகிறது.

கதிர்நாட்டின் மன்னன் கதிரைவேல் மற்றும் அரசி கண்ணுக்கினியாள் ஆகியோரின் கொடூர மரணத்துடன் தொடங்கும் இக்கதை, அவர்களின் மகள் அன்னம் படும் துயரங்களையும், தன் பரம்பரை உரிமைப் பொருளான ‘பாண்டியன் பரிசு’ என்னும் பேழையைத் தேடி மேற்கொள்ளும் வீர சாகசங்களையும் விவரிக்கிறது. நரிக்கண்ணன் என்ற துரோகியின் வஞ்சகச் செயல்களும், கதிர்நாட்டை ஆள அவன் மேற்கொள்ளும் சூழ்ச்சிகளும், நீலன், வீரப்பன், ஆத்தாக்கிழவி, கணக்காயர் சீனி மற்றும் இளம் வீரன் வேலன் போன்றோரின் துணிச்சலான பங்களிப்பும் கதையை நகர்த்துகின்றன.

பாண்டியன் பரிசை அடைவதன் மூலம் கதிர்நாட்டின் அரியணையை மீட்டெடுக்க அன்னம் மேற்கொள்ளும் போராட்டமும், நீதியின் பக்கம் நிற்கும் வேலன் அவளுக்குக் காட்டும் அளவற்ற அன்பும் இந்நூலின் மைய இழைகள். சதி, துரோகம், வீரம், காதல், தியாகம் எனப் பல உணர்வுகளையும் உள்ளடக்கி, பாரதிதாசன் கையாண்ட எளிமையும் வீரியமும் மிக்க தமிழால், இக்காவியம் ஒவ்வொரு பக்கத்திலும் படிப்போரை மெய்சிலிர்க்க வைக்கிறது. நியாயம் வெல்லும் என்பதையும், அன்பே ஆயுதம் என்பதையும் அழுத்தந்திருத்தமாய் உணர்த்தும் இப் புரட்சிக் காவியத்தைப் படித்து இன்புற அழைக்கிறோம்.

Download free ebooks

Android, iOS, Kindle கருவிகளில் படிக்க

Download “பாண்டியன் பரிசு epub” PandiyanParisu.epub – Downloaded 2353 times –

கணினிகளில் படிக்க, அச்சடிக்க

Download “பாண்டியன் பரிசு A4 PDF” PandiyanParisu.pdf – Downloaded 2565 times –

செல்பேசிகளில் படிக்க

Download “பாண்டியன் பரிசு 6 inch PDF” PandiyanParisu_6_inch.pdf – Downloaded 1377 times –

நூல் : பாண்டியன் பரிசு

ஆசிரியர் : பாவேந்தர் பாரதிதாசன்

புத்தகம் குறித்த கூடுதல் தகவல்

அட்டைப்படம் : த.சீனிவாசன்

மின்னூலாக்கம் : சீ.ராஜேஸ்வரி