fbpx

குறள் விடு தூது

epub

உலகப் பொதுமறை என எல்லாராலும் போற்றப்படுவது திருக்குறள் நூல் . இதை எழுதியவர் திருவள்ளுவர் ஆவார் . இவரது காலம் கி . மு . முதலாம் நூற்றாண்டின் முற்பகுதியாகும் . முற்காலத்தில் வாழ்ந்த பெரும்புலவர்கள் பத்துப்பேர் , இந்நூலுக்கு நன்றாகவே உரை எழுதியுள்ளார்கள் . இருந்தும் , இக்காலத்தில் பல தமிழறிஞர்கள் திருக்குறளுக்கு உரை எழுதியிருக்கிறார்கள் . அவர்களில் சிலர் , முந்தைய உரையை மறுத்தும் திரித்தும் எழுதியுள்ளார்கள் .

 

ஆனால் நான் , ஒன்றேமுக்கால் அடிகளில் உள்ள குறட்பாக்களுக்கு , இரண்டியில் வள்ளுவரின் கருத்துக்குச் சிறிதும் மாறுபடாமல் , சந்தப் பாடல்களாக எழுதியுள்ளேன் . இதனுடைய சந்தம் நாட்டுப் புறத்தாலாட்டுப் பாடல் இசையாகும் .

 

எடுத்துக்காட்டு

 

கண்ணேஎன் கண்மணியே கனகமணி பொற்சரமே
பொன்னே நவமணியே பொற்பாவாய் கண்ணுறங்கு

 

இவ்வாறு குறள்கூறும் கருத்துப்பழங்களை அள்ளிக்கொள்ளும் வகையில் மிக எளிமையாக எல்லாரும் புரிந்துகொள்ளும் விதத்தில் எழுதியுள்ளேன் .

 

திருக்குறளில் உள்ள 133 அதிகாரங்களிலும் உள்ள குறட்பாக்களின் கருத்துப் பழங்களைத் திரட்டி , சாறாகப் பிழிந்து சர்க்கரையும் கூட்டித் தித்திக்கும் தமிழ் அமுதமாகப் படைத்துள்ளேன் .

 

“எப்பொருள் யார்யார் வாய்கேட்பினும்
அப்பொருள் மெய்ப்பொருள் காண்பது அறிவு“

 

இது வள்ளுவர் மொழியாகும் . தலையாய கற்புக் கரசியானவள் , ‘ மழையே பெய்’ என்று சொன்னால் அது பெய்யும் என்பதின் பொருள் , என்னவென்றால் மழைபெய்யும் என்பதல்ல ; கற்புடைமைக்கு மாபெரும் சக்தி உண்டு என வலியுறுத்தப் பட்டுள்ளது . கற்புடைமை உயரிய பண்பாகும் என்பதை நாம்புரிந்து கொள்ள வேண்டும் . ‘ ஒரு கன்னத்தில் அறைந்தால் மறு கன்னத்தைத் திருப்பிக் கொடு’ இதில் பொறுமை வேண்டும் என்பது வலியுறுத்தப்பட்டுள்ளது . ‘ அடடே ! எப்பேர்ப்பட்ட மனிதர் – இறந்து போனாரே என்ற துக்கத்தில் ஊரே அழுதது ; கல்லும் உருகியது , புல்லும் கருகியது .’ இதில் இறந்த மனிதர் ரொம்ப நல்லவர் என்பது விளக்கப்பட்டது . கல் உருகும் என்பது பொருள் அல்ல . கல் உருகமாட்டாது .

 

காந்தியடிகள் உண்மையே கடவுள் என்றும் , வள்ளலார் அன்பே கடவுள் என்றும் , அண்ணாதுரை அறிவே கடவுள் என்றும் கூறியுள்ளார்கள் . கடவுளுக்குரிய எட்டுப் பண்புகளில் அவரவர் கண்ட ஒரு பண்பை மட்டும் தெரிவித்திருக்கிறார்கள் . எட்டுப் பண்புகளாவன ; அன்புடைமை , அறிவுடைமை , வாய்மை ; நடுவு நிலைமை ; ஆற்றலுடைமை , அருளுடைமை , உவமையின்மை , பற்றின்மை இப்பண்புகள் பற்றியே இறைவனை எண்குணத்தான் என்று திருவள்ளுவர் குறிப்பிடுகிறார் .

 

திருக்குறள் முதல் அதிகாரத்தில் இறைவாழ்த்துக் கூறவந்தவர் இறைவன் என்று மட்டுமே குறிப்பிடுகிறார் . உரை எழுதியவர்கள்தான் முதல் அதிகாரத்திற்கு கடவுள் வாழ்த்து என்று பெயர் வைத்திருக்கிறார்கள் . எல்லாவற்றையும் ஆராய்ந்து பார்க்கும் போது , திருவள்ளுவர் சமண முனிவர் என்பதும் , வள்ளுவர் குலத்தைச் சார்ந்தவர் என்பதும் விளங்குகிறது . எப்படியிருந்தாலும் திருக்குறளை நன்கு கற்று அதன்வழி எல்லாரும் நடக்கவேண்டும் ; அதுவே மனித வாழ்வுக்குச் சிறப்பாகும் . அதற்கு வழிகாட்டியாக இந்த ‘குறள் விடு தூது’ இருக்கும் என்பதில் சிறிதும் ஐயமில்லை .

 

அன்பன் . . வேலு என்ற வேற்கவிராயர்

 

குறள் விடு தூது

ஆசிரியர் : . வேலு

வெளியீடு : http://FreeTamilEbooks.com

 

உரிமை – கிரியேட்டிவ் காமன்ஸ். எல்லாரும் படிக்கலாம், பகிரலாம்.

 

மின்னூலாக்கம் : லெனின் குருசாமி guruleninn@gmail.com

 

பதிவிறக்க*

ஆன்ட்ராய்டு(FBreader),  ஆப்பிள், புது நூக் கருவிகளில் படிக்க

Download “குறள் விடு தூது epub”

kural-vidu-thoodu.epub – Downloaded 3806 times – 930 KB

புது கிண்டில் கருவிகளில் படிக்க

Download “குறள் விடு தூது mobi”

kural-vidu-thoodu.mobi – Downloaded 1484 times – 347 KB

குனூ/லினக்ஸ், விண்டோஸ் கணிணிகளில் படிக்க

Download “குறள் விடு தூது A4 PDF”

kural-vidu-thoodu-A4.pdf – Downloaded 16822 times – 1 MB

பழைய கிண்டில்,நூக் கருவிகளில் படிக்க

Download “குறள் விடு தூது 6 Inch PDF”

kural-vidu-thoodu-6-Inch.pdf – Downloaded 2751 times – 1 MB

 

புத்தக எண் – 36

சென்னை

 

பிப்ரவரி 19  2014

 

Please follow and like us:
Pin Share

Post Comment

This site uses Akismet to reduce spam. Learn how your comment data is processed.

ஆனந்த விகடன் டாப் 10 இளைஞர்கள் விருது !

ஆனந்த விகடன் டாப் 10 இளைஞர்கள் விருது கிடைக்கப் பெற்றுள்ளோம். எழுத்தாளர்கள், வாசகர்கள், பங்களிப்பாளர்கள் அனைவருக்கும் நன்றி!
புது மின்னூல்களை மின்னஞ்சலில் பெறுக
7500 சந்தாதாரர்களோடு இணையுங்கள்.
உங்களுக்கு இப்போது வரும் மின்னஞ்சலில் உள்ள இணைப்பின் மூலம், உறுதி செய்க. நன்றி!




உங்கள் படைப்புகளை வெளியிடலாமே
Open

70 இலட்சம் பதிவிறக்கங்களைத் தாண்டி...

RSS
Follow by Email
Twitter
Follow Me