வளமான வாழ்வைக் கட்டமைக்கும் எட்டு தூண்கள்

உலகின் தலைசிறந்த சுயமுன்னேற்ற மற்றும் தத்துவச் சிந்தனையாளர் ஜேம்ஸ் ஆலனின் “Eight Pillars of Prosperity” நூல், இப்போது “வளமான வாழ்வைக் கட்டமைக்கும் எட்டு தூண்கள்” என்ற தலைப்பில் தமிழில் மின்னூலாக உங்கள் கைகளில் தவழ்கிறது. வளம் என்பது வெறும் பணம் மட்டுமல்ல, அது உடல்நலம், மகிழ்ச்சி, மனநிறைவு, அத்துடன் சிறந்த அறநெறி கொண்ட வாழ்வு என்பதை இந்நூல் அழுத்தமாக எடுத்துரைக்கிறது.

ஒரு வலிமையான வாழ்வு எனும் கோபுரத்தை உறுதியாகத் தாங்கி நிற்கும் எட்டுத் தூண்களைப் பற்றி ஆலன் இப்புத்தகத்தில் விளக்குகிறார். அவை: ஆற்றல், பொருளாதாரம், நேர்மை, அமைப்பு, இரக்கம், உண்மைத்தன்மை, பாரபட்சமின்மை, மற்றும் தன்னம்பிக்கை. இந்தத் தூண்கள் ஒவ்வொன்றும் எவ்வாறு நமது தனிப்பட்ட மற்றும் வணிக வாழ்வில் வெற்றியை ஈர்த்து, நிலையான செழிப்பைக் கட்டமைக்கின்றன என்பதை ஆழமான பார்வையில் ஆசிரியர் விவரிக்கிறார்.

அறநெறிசார்ந்த அடிப்படைக் கோட்பாடுகளின் முக்கியத்துவத்தை வலியுறுத்தும் இந்நூல், வாழ்க்கையின் எதிர்பாராத நிகழ்வுகள் மற்றும் கொந்தளிப்புகளுக்கு மத்தியிலும் ஒருவன் எவ்வாறு உறுதி, பாதுகாப்பு மற்றும் அமைதியை அடைய முடியும் என்பதற்கான தெளிவான வழியைக் காட்டுகிறது. சே. அருணாச்சலம் அவர்களின் மிகச் சிறந்த மொழியாக்கத்தில், ஜேம்ஸ் ஆலனின் உயிரோட்டமான சிந்தனைகள் தமிழ் கூறும் நல்லுலகில் சென்றடைகின்றன.